Sunday, February 13, 2011

puso sa puso


February 14, ang araw ng mga puso, ang araw ng kabaduyan kung kelan abala ang mga tindera ng bulaklak, puno ang mga restaurants at mga motel, ang mapulang araw, at higit sa lahat ito ang araw na pinanganak si Kris aquino, Heart Evangilista, at John prats.Chos!

Puso, ito na ata ang pinaka powerful na parte ng katawan (oo alam ko hypothalamus nanggaling ang mga impormasyon na inilalabas ng puso pero wag na kayong makialam). Pag pagmamahal kasi ang usapan wala na, lahat na sablay. Ilan na ba ang kakilala kong nakita kong umiiyak ng dahil sa pagibig? Pag totoong pagibig na ang naramdaman madalas wala ka na sa ayos, wala ka na sa katwiran, madalas kahit na yung pinakamamalapit na tao sa sayo eh gustong gusto ka ng batukan. Syempre may mganda din namang naidudulot ang pagibig, minsan kahit na yung pinakamasasamang tao nagiging dalawa ang katauhan ng dahil sa pagibig o pag mas sinwerte nagagawa talaga nilang magbago.

Bakit nga ba tayo nagmamahal? Ewan ko sa inyo pero ako nagmamahal ako kasi gusto ko.hehe ilang beses na din akong nasaktan dati sa pagibig pero paulit ulit parin akong nagmamahal. Ewan ko para kasi sakin kusang dumadating eh at pag nandyan na, madalas kahit ayaw mo wala kang magagawa. Madalas pagkatapos mong masaktan sasabihin mo ayaw mo na, tama na, wala ng kasunod pero ang nakakatawa ang susunod mong mamahalin eh perfect replica din ng taong pinagkasumpasumpa mo. Minsan naman magseset ka ng panibagong standards, sasabihin mo sa susunod ganito ganyan na ang mamahalin ko pero ang ending dun ka mapupunta sa kabaliktaran. Pwede ding sabihin mo sa sarili mo, next time di na ko papaloko, titigasan ko na puso ko pero isang ngiti palang ni pagibig nangingisay ka na. Kasi nga po di mo naman matuturuan ang puso, matigas pa ulo nyan sa nanay mo.hahaha! at bigla bigla dumadating yan madalas di nakaplano pag nasa harap mo na mahirap ng ayawan lalo na pag nabibingi ka na sa kabog ng dibdib mo.

Galing ako sa masaklap na relasyon ng makilala ko si beb. Pagibig na akala mo perpekto tapos bigla nalang natigil, mas nakakapraning pala yun, mas maganda sana kung nagaway kayo o nahuli mo syang may babae kesa sa nangyare sakin nawindang talaga ako nakakaloooka! ang hirap mag move on feeling ko babalik parin sya yun pala hindi na prang tanga lang. Naalala ko dati sabi ko kay mama “Sa susunod na magmamahal ako di ko na paiiralin puso ko kasi kahit halos perpektong relasyon nasisira din eh dun nalang ako sa may pera para kahit anong mangyare samin secure ako, wala akong paki kahit ano pa gawin nya”.

Ang kinalabasan? Nauwi ako kay kadong.hahaha kami na ni beb may sugat parin ang puso ko nun, alam ni beb yan. Minsan di ko maintindihan sarili ko kung talagang mahal ko si beb bakit naiisip ko parin si kupal? Siguro nga dahil walang closure, hindi ko nasabi ang mga gusto kong sabihin at di ko narinig ang mga bagay na gusto kong marinig. Pero wala eh, hindi mahirap mahalin si kadong, madalas talaga bullshit sya pero sobra sobra yung mga bagay na lagi kong pinagpapasalamat. Hindi ko na mabilang kung ilan ang nagsabi saking swerte daw ako kay kadong kasi si kadong ganito, si kadong ganyan.

Hindi perpekto si kadong, naniniwala akong walang perpektong tao at walang perpektong relasyon kaya kung ano man ang meron ako ngayon ipinagpapasalamat ko ng bonggang bongga. Salat man kami sa ibang bagay, masaya naman kami. Lalong bumongga ang pagmamahal ko kay kadong nung bingyan nya ko ng dalawang anak. Syempre di naman ako ipokrita may mga panahon ding ansarap talagang kutusan ni kadong, may mga panahong literal na nananakit ang batok ko sa pagkabwisit ko sa kanya at panahong mas gusto kong mawala muna sya sa paningin ko kahit sandali para lang bumalik ako sa wisyo. Pero ni minsan hindi ako nagsising pinili ko ang buhay na kasama sya. May mga bagay din na medyo di na din namin magawa ngayon di katulad dati noong mundo namin eh kaming dalawa lang. Maaring di lahat kayang ibigay ni beb, pero ang mga bagay na kaya nyang ibigay sobra sobra na sakin (pwera lang pera.hahaha). 

Kaya pag puso ang pinaguusapan, si kadong agad ang pumapasok sa isip ko kasi sya lang nagpapatibok nito (naks!). sya ang dahilan kung bakit kahit na minsan eh may mga problema kami,masayang masaya parin ako. Sya ang bestfriend ko, kakampi kahit sa anong bagay. Kaya kahit na ilang beses kami nagtatalo sa maghapon di ko maimagine ang buhay ko ng wala sya (promise). Alam ko marami pa kaming pagdadaan at lagi kong pinagdarasal na sana kayanin namin lahat ayoko na kasi ng iba gusto ko si kadong lang.

To all the boys i loved before, maraming maraming salamat sa inyo dahil kung di dahil sa mga kaululan nyo eh hindi ako mauuwi kay kadong at wala akong mimit at entong ngayon. Kung saan man kayo naroroon ngayon eh wala akong pakiaalam sa inyo.hahaha! syempre joke lang yun dahil wala na kong bitterness sa katawan. Sige na nga kahit di naman kayo deserving sana naman eh masaya na din kayo katulad ko.

Kaya ang mga loveless dyan wag kayong mawawalan ng pagasa. Sinasabi ko sa inyo at siguradong sigurado ako, dadating din ang prince charming nyo, wag kayong matakot magmahal. Ilang kupal man ang dumating sa buhay nyo siguradong happily ever after din ang kwento ng buhay nyo. Kasi ako, pinakamgandang parte ng araw ko ay yung kahit anuman ang nagyari sa maghapon ko, pagsapit ng gabi, pumipikit akong nakangiti kasi alam ko na nasa tabi ko lang ang mga taong pinakamamahal ko. 

No comments:

Post a Comment