Monday, July 11, 2011

dear baby sam,

kamusta na kayo ni darla dyan? mukhang enjoy na enjoy kayo at hanggang ngayon di nyo parin ako dinadalaw. alam ko nagtatampo kayo pero di ako naniniwalang kinalimutan nyo na kame. alam mo naman kung gaano ako kaduwag diba?pero alam mo kagabi, nandun ako sa labas, naktingin ng matagal sa kalsada, sa tapat ng libingan nyo, naghihintay na sana naman magpakita kayo sakin ni darla. kahit sandali lang makita ko namang ok kayo.

wala si daddy ngayon baby, tinawagan sya ng dati nyang boss para sa bagong work, bagong blessing pero ayokong isipin na kapalit to ng pagkawala nyo. miss na miss ko na kayo sam. hanggang ngayon ayokong tanggapin na wala na kayo. gusto kong magkaroon ng remote na pwedeng irewind ang mga pangyayare para maiayos ko lahat at maitama yung mga mali.

daya mo baby, maya't maya mo ko pinapaiyak di ka nawawala sa isip ko. pag may kasama ako ok ako, pero pag ako nalang di ko mapigilang umiyak lalo na sa gabi bago matulog at pag may mga nalulungkot at nakikiramay sa pagkawala mo, lalo ko kasing nararamdaman kung gaano ka ka special at kung gano kalaki ang nawala samin. madami ako nababasa, the best way daw na makapagmove on eh kumuha ng panibagong aso, pero alam ko sam di yun uubra kasi lalo lang kitang maaalala lalo lang kita maikukumpara dahil alam kong wala kang katulad, di ka kahit kelan pwedeng palitan.

alam ko matagal ka din lumaban, siguro katawan mo nalang talaga ang bumigay. hindi ako magsasawang magsabi sayo ng sorry sam, sorry kasi di kami umabot. alam ko dadating din naman ang araw na to eh, pero sana di pa ngayon, masyado pang maaga, masyadong biglaan, hindi pa kami handa. lalo din ako nalulungkot pag nakikita ko sila mig at enchong, akala ko talaga lalaki silang kasama at kalaro kayo. sana pwede kong ibalik lahat para di kayo nawala samin. pero alam ko din na kahit ano pang sorry at pagsisisi ang gawin namin wala ng mangyayari, di ka na babalik, di ka na namin ulit makikita.

hanggang ngayon di parin kami naguusap ni tatay ng tungkol sa inyo, kasi di pa namin kaya, nakikita nalang namin isa't isa na lumuluha, naririnig na sumisinghot. sam tulungan mo naman ako na ibalik yung tigas ng puso ko, yung lakas na magpigil ng iyak, di kasi ako sanay sa ganito eh, parang hindi ako, tuwing maaalala kita iyak nalang ako ng iyak. mahal na mahal kita, miss na miss kita.

sana masaya kayo dyan, gabi gabi ko kayong hihintayin sam, hinding hindi ko kayo makakalimutan ni darla, mahal na mahal ko kayo,wag nyo kakalimutan un.

love,
nanay